Нейрохирургия бөлімшесі

Бөлімше туралы

Ұлттық госпитальдің нейрохирургия бөлімшесі бас миы, жұлын және шеткері жүйке жүйесіне жоғары технологиялық ота жасауды қоса алғанда, заманауи мамандандырылған нейрохирургиялық көмектің толық спектрін көрсетеді.

Соңғы 10 жыл ішінде бөлімшеде 9 000-ға жуық сәтті нейрохирургиялық ота жасалды. Жыл сайын 1 000-нан астам күрделі ота орындалады, бұл бөлімшенің жоғары клиникалық белсенділігі мен мамандардың кәсіби сараптамалық деңгейін айғақтайды.

Бөлімшеде бас миының тамырлық аурулары, орталық жүйке жүйесінің ісіктері, омыртқаның дегенеративті аурулары, созылмалы ауырсыну синдромдары, сондай-ақ туа біткен нейрохирургиялық патологиялар кезінде оталар жасалады. Клиникалық тәжірибеде эндоваскулярлық, микрохирургиялық, эндоскопиялық және аз инвазивті технологиялар кеңінен қолданылады. Бұл емдеудің қауіпсіздігі мен тиімділігінің жоғары деңгейін қамтамасыз етеді.

Бөлімше нейрохирургтері АҚШ, Жапония, Түркия және Оңтүстік Кореяның жетекші нейрохирургиялық орталықтарында тағылымдамадан өткен және біліктілігін арттырған. Мамандар жыл сайын Еуропа, АҚШ және Азия елдерінде өтетін халықаралық ғылыми конгрестер мен конференцияларға қатысады.

Бөлімше ғылыми және білім беру қызметімен белсенді айналысады. Ұжым құрамында 3 PhD докторант, 4 қоғамдық денсаулық сақтау магистрі және 3 MBA дәрежесі бар дәрігер жұмыс істейді.

Соңғы 10 жылда бөлімше қызметкерлері ҚР Ғылым және жоғары білім сапасын қамтамасыз ету комитеті ұсынған басылымдарда 10-нан астам ғылыми мақала, сондай-ақ Scopus деректер базасында (Q1–Q3) индекстелетін халықаралық рецензияланатын журналдарда 10-нан астам мақала жариялады.

Бөлімшеде тұрақты түрде халықаралық конференциялар мен шеберлік сабақтары өткізіледі. Жақын және алыс шетел клиникаларының жетекші нейрохирургтерімен бірлескен консилиумдар ұйымдастырылып, қажет болған жағдайда бірлескен емдеу жүргізіледі.

Бөлімше нейрохирург мамандарын даярлаудың клиникалық базасы болып табылады. Қазақстаннан және Өзбекстан, Тәжікстан, Қырғызстан, Үндістан, Моңғолия, Уганда елдерінен 30-дан астам маман бөлімше базасында тағылымдамадан және клиникалық оқытудан өтті.

Клиникалық қызмет көлемінің жоғары болуы, заманауи технологиялар, халықаралық ынтымақтастық және ғылыми белсенділік бөлімшеге өңірдегі нейрохирургиялық көмекті көрсетуде жетекші орын алуға мүмкіндік береді.

Бөлімшеде орындалатын оталар

Эндоваскулярлық оталар

• Бас миы тамырларының аневризмасы, артериовеноздық мальформациясы, артериовеноздық фистуласы, каротидті-кавернозды соустье кезінде эндоваскулярлық эмболизация;

• Жұлын тамырларының артериовеноздық мальформациясы мен фистуласы кезінде эмболизация;

• Созылмалы субдуралды гематоманы эндоваскулярлық емдеу;

• Мұрыннан қан кетуде (тампонада тиімсіз болғанда) торлы артерия тамырларын эмболизациялау;

• Мойын және бас миы тамырларының стенозы мен окклюзиясында эндоваскулярлық стенттеу;

• Ишемиялық инсульт кезінде (0–6 сағат терапиялық терезе ішінде) механикалық тромбоэкстракция, тромбэктомия;

• Диагностикалық селективті церебралды ангиография.

Микронейрохирургиялық оталар

• Экстра-интракраниалдық микроқантамырлық анастомоз (бас миы тамырлары окклюзиясы, Моя-Моя ауруы, созылмалы ишемия);

• Бас және жұлын миы ісіктерін микрохирургиялық алып тастау (глиальды ісіктер, менингиомалар, бассүйек негізі ісіктері);

• Аневризманы микрохирургиялық клиптеу және артериовеноздық мальформацияны алып тастау.

Омыртқаның дегенеративті ауруларындағы оталар

• Омыртқааралық диск жарығын микроскопиялық және эндоскопиялық алып тастау;

• Вертебропластика (компрессиялық сыну, остеопороздық сыну, омыртқа денесінің гемангиомасы);

• Омыртқа өзегін декомпрессиялау;

• Металлоконструкциямен тұрақтандыру (омыртқа өзегінің стенозы, омыртқа тұрақсыздығы, омыртқа ығысуы, листез);

• Созылмалы және жедел ауырсынуда селективті блокадалар (арқа ауруы, сакроилиакальды буын синдромы, фасет синдромы, шүйде невралгиясы).

Функционалдық нейрохирургия

• Ауырсыну синдромында жұлын стимуляторын орнату;

• Эпилепсия кезінде кезбе жүйке стимуляторын орнату;

• Паркинсон ауруында терең ми стимуляциясы;

• Микроваскулярлық (эндоскопиялық) декомпрессия (гемифациалды спазм, үшкіл жүйке невралгиясы, тіл-жұтқыншақ невралгиясы).

Шеткері жүйкелерге микрохирургиялық оталар

• Туннельдік синдром кезінде карпалды өзекті эндоскопиялық декомпрессиялау.

Басқа оталар

• Арнольд–Киари аномалиясында артқы бассүйек шұңқырын декомпрессиялау;

• Декомпрессивті краниотомия, бассүйекішілік гематомаларды алып тастау;

• Бассүйек ақауын сүйек цементімен немесе титан пластинасымен пластикалау;

• Вентрикулоперитонеалдық шунттау (гидроцефалия);

• Радиожиіліктік абляция, термокоагуляция, денервация (үшкіл жүйке невралгиясы, созылмалы арқа ауруы және т.б.).

Аз инвазивті технологиялар

• Омыртқаның эндоскопиялық хирургиясы;

• Нейроваскулярлық қақтығыстарда эндоскопиялық микроваскулярлық декомпрессия;

• Рентгенэндоваскулярлық хирургия;

• Гипофиз аденомасын трансназальды эндоскопиялық алып тастау.

Жабдықтар

• Бөлімше заманауи жоғары технологиялық жабдықтармен қамтамасыз етілген:

• Philips Azurion бипландық ангиографы;

• Richard Wolf эндоскопиялық жүйесі;

• InoMed ISIS Expert интраоперациялық нейромониторинг жүйесі;

• GE С-доғасы;

• микрохирургиялық және эндоскопиялық аспаптар;

• COSMAN радиожиіліктік және термиялық абляция аппараттары.

Бөлімше дәрігерлері

• Саршаев Марат Амангалиевич – бөлімше меңгерушісі;

• Бердиходжаев Мынжылкы Сайлауович – дәрігер-нейрохирург;

• Мусабеков Максат Габитович – аға дәрігер-нейрохирург;

• Суйеумбетов Даулет Шайкибекович – дәрігер-нейрохирург;

• Маханбетхан Шаяхмет Шореханұлы – дәрігер-нейрохирург;

• Жумабеков Абзал Қайратұлы – дәрігер-нейрохирург;

• Айтелі Рауан Маратұлы – дәрігер-нейрохирург;

• Айнекова Саида Абдугаппарбековна – дәрігер-невролог;

• Мирзахметов Махмут Муратович – дәрігер-невролог.