Қазақстан Республикасы Президенті Іс басқармасы Медициналық орталығының Ұлттық госпиталі – еліміздегі ең көне медициналық ұйымдардың бірі. Аурухананың даму тарихы Қазақстанның бүкіл денсаулық сақтау жүйесімен тығыз байланысты. Қазіргі уақытта аурухана пациенттерді емдеуді ұйымдастырудағы жаңашыл тәсілімен ерекшеленеді. Дәл осы жерде отандық және шетелдік денсаулық сақтаудағы көптеген жаңалықтар жүзеге асырылып, әртүрлі ауруларды диагностикалау мен емдеудің ең озық әдістері енгізілуде.

Ауруханадағы медициналық көмектің жүйесі халықаралық деңгейге сәйкес келеді, бұл келесі жетістіктермен расталады:

• 2005 жыл – қызметкерлер тобының Қазақстан Республикасының Мемлекеттік сыйлығымен марапатталуы;

• 2007 жыл – «EQAS» (АҚШ) халықаралық сапаны бақылау бағдарламасын енгізу;

• 2007 жыл – «LONET» (Швейцария) сапа сертификатын, сондай-ақ сапа менеджменті жүйесінің ИСО 9001:2000 халықаралық стандартына сәйкестігін растайтын «Русский регистр» және «Қазақстандық сапа орталығы» сертификаттарын алу;

• 2008 жыл – аурухананың «Еуропалық сапа» («European Quality») халықаралық марапатын алуы;

• 2008 жыл – көрсетілетін медициналық қызметтердің жоғары сапасының Оксфордтағы (Ұлыбритания) Еуропалық бизнес академиясы тарапынан танылуы.

Қазақстан Республикасы Президенті Іс басқармасы Медициналық орталығының Ұлттық госпиталі 2021 жылы ҚР ДСМ ережелері мен талаптарына сәйкес ұлттық аккредитациядан өтіп, 4 жыл мерзімге аккредитацияланды және Қазақстан Республикасындағы ең жоғары баллдардың бірін иеленді.

Жоғары білікті, әлемнің үздік клиникаларында оқудан және тағылымдамадан өткен мамандар терапиялық және хирургиялық көмектің заманауи технологияларын меңгерген. Бізде телемедицина арқылы шетелге шықпай-ақ әлемнің жетекші медициналық орталықтарының белгілі ғалымдары мен мамандарынан кеңес алу мүмкіндігі бар.

Ұлттық госпитальдің табыстылығы мен қоғамдық мойындалуы жоғары білікті мамандар ұжымының кешенді медициналық көмек көрсетуіне арналған барлық қызметтердің болуымен, медициналық техниканың заманауи паркі бар қуатты материалдық-техникалық базамен қамтамасыз етілген.

Ұлттық госпитальдің визит карточкасы – мінсіз сервиспен қатар жоғары сапалы медициналық көмек және барынша қолайлы жағдай. Бүгінде біз еліміздегі пациенттерге қызмет көрсетеміз, сонымен қатар шетелдік пациенттер де емделуге ұмтылады.

• 2015 жыл – JCI аккредитациясы. JCI (Joint Commission International) – АҚШ-та құрылған халықаралық комиссия, ол әлемде медициналық көмек сапасы мен пациент қауіпсіздігін халықаралық аккредитация арқылы арттырады. JCI медициналық ұйымдар үшін сапаның «алтын стандарты» болып табылады және пациент қауіпсіздігін арттыруға, емдеу сапасын жақсартуға, қоғам сенімін нығайтуға мүмкіндік береді – пациенттер, қоғам, сақтандыру компаниялары және т.б.

• 2017 жыл – қазақстандық ғалымдар тобымен бірге аурухана қызметкері «Белсенді ұзақ өмір сүруді қамтамасыз етудің ғылыми-негізделген әдістері» тақырыбындағы еңбектер циклі үшін Әл-Фараби атындағы Мемлекеттік сыйлыққа ие болды.

• 2018 жыл – JCI аккредитациясы. Ұлттық госпиталь халықаралық JCI сапа стандартына сәйкестігін үшінші рет растады.

• 2018 жыл – ұлттық аккредитация. Қазақстан Республикасының «Халық денсаулығы және денсаулық сақтау жүйесі туралы» Кодексі негізінде, сыртқы кешенді бағалау нәтижелері және аккредитациялық комиссия шешімі бойынша (№180-н бұйрық), жоғары санат бере отырып 3 жыл мерзімге аккредиттелді.

• 2021 жыл – JCI аккредитациясы. Ұлттық госпиталь халықаралық JCI сапа стандартына сәйкестігін үшінші рет растады. Joint Commission International (JCI) аккредитациясы медициналық қызмет сапасының, пациент қауіпсіздігінің және заманауи емдеу әдістерін қолданудың ең жоғары көрсеткіші болып табылады.

• 2021 жыл – ұлттық аккредитация (жоғарыдағы талаптарға сәйкес).

• 2024 жыл – JCI аккредитациясы. Ұлттық госпиталь халықаралық JCI сапа стандартына сәйкестігін төртінші рет растады.

• 2024 жыл – ұлттық аккредитация (жоғарыдағы талаптарға сәйкес).

Ұлттық госпиталь пациенттеріне ұсынылатын қызметтер:

• Ыңғайлы палаталары бар көпбейінді стационар;

• Амбулаториялық ақылы қызмет көрсету орталығы;

   

• Күндізгі стационары бар аллергологиялық орталық;

   

• Экстракорпоралды гемокоррекция орталығы;

   

• МРТ және компьютерлік томография орталығы;

   

• Зертханалық диагностика орталығы;

   

• Заманауи дерматокосметология орталығы;

   

• Күндізгі болу бөлімі;

   

• Үйде көмек көрсету бөлімі;

   

• Жедел және шұғыл көмек бөлімі;

   

• Функционалдық диагностика бөлімі;

   

• Рентгенологиялық бөлім;

   

• Емдік дене шынықтыру бөлімі;

   

• Физиотерапия бөлімі;

   

• Ультрадыбыстық диагностика бөлімі;

   

• Эндоскопиялық бөлім;

   

• Гипербариялық оксигенация кабинеті (барокамера) және т.б.

Миссия

Біз – денсаулықты сақтау үшін ең үздігіміз!

Көзқарас

Елдегі ең үздік клиника!

Ұлттық госпиталь құндылықтары

Негізгі құндылық – ПАЦИЕНТ, оның денсаулығы, құқықтарын құрметтеу, сондай-ақ ұжым дәстүрі, тәлімгерлік, жоғары кәсібилік, персоналдың моральдық және іскерлік қасиеттері.

Ұлттық госпитальдің мақсаты мен міндеті

Негізгі мақсат – тіркелген контингентке жоғары сапалы алғашқы медициналық-санитарлық, жедел және шұғыл, мамандандырылған және жоғары мамандандырылған медициналық көмекті ұйымдастыру, сондай-ақ мемлекеттік және жеке медициналық қызметтер нарығында бәсекеге қабілеттілікті қамтамасыз ету.

Ұлттық госпиталь – Медициналық орталыққа тіркелген мемлекеттік қызметкерлерге және азаматтардың жекелеген санаттарына кепілдендірілген тегін медициналық көмек көлемі шеңберінде қызмет көрсететін көпбейінді клиника. Сонымен қатар, Қазақстан Республикасы Денсаулық сақтау министрлігінің мемлекеттік тапсырысы бойынша және ақылы негізде стационарлық жоғары технологиялық және мамандандырылған медициналық көмек көрсетеді.