Хирургия №2: ЛОР, Офтальмология

   Бөлімше туралы:

   №2 хирургиялық бөлімше Ұлттық госпитальдің хирургиялық қызметінің құрамдас бөлігі болып табылады. Бөлімше офтальмология (көз) және ЛОР (құлақ, тамақ, мұрын) бағыттарын біріктіреді және осы ағзалар ауруларын кешенді емдеуге маманданған. Емдеу консервативті және хирургиялық әдістерді қамтиды. Бөлімше микрохирургия және лазерлік араласуларға арналған заманауи құрал-жабдықтармен қамтамасыз етілген.

   Бөлімшеде дәлдікті, аз жарақаттылықты және жылдам оңалтуды қамтамасыз ететін аз инвазивті және эндоскопиялық технологиялар қолданылатын оталар жүргізіледі. Дәрігерлер заманауи микрохирургиялық және лазерлік технологияларды пайдалана отырып, көз ауруларын хирургиялық жолмен емдейді. Бұл жоғары дәлдік пен тұрақты нәтижелерге қол жеткізуге мүмкіндік береді.

   Бөлімшеде түрлі санаттағы, оның ішінде премиум класты интраокулярлық линзалар қолжетімді. Линза науқастың жас ерекшелігіне, қатар жүретін патологиясына және көздің жеке анатомиялық ерекшеліктеріне сәйкес таңдалады. Оталар клиникалық хаттамалар мен стандарттарға сәйкес, заманауи жабдықтар мен материалдарды пайдалана отырып жүргізіледі. Мемлекеттік бағдарламалар аясында ота жасау мүмкіндігі бар, сондай-ақ пациенттің қалауымен премиум линзалар орнатуға болады.

   Оториноларингология бағыты бойынша келесі оталар орындалады: мұрын қуысы қойнауларынан полиптерді, кисталарды, бөгде заттарды эндоскопиялық жолмен алып тастау; аденоидотомия; тонзиллэктомия; септопластика (мұрын қалқасын түзету); функционалдық риносептопластика; шейвер қолдану арқылы эндоскопиялық синусохирургия.

   Сонымен қатар эндоскоп және микроскоп көмегімен естуді жақсартуға бағытталған оталар және ларингологиялық оталар жүргізіледі.

   Бөлімшенің ЛОР мамандары заманауи ЛОР-жабдықтарды пайдалана отырып, оториноларингологиялық ауруларды диагностикалау, консервативті және хирургиялық емдеу бойынша кең ауқымды қызмет көрсетеді.

   Бөлімшенің қызметтері:

1. Мұрын қалқасының қисаюы кезінде ота жасау;
2. Бадамша бездер мен аденоидтарды алып тастау;
3. Қосалқы мұрын қойнауларына жасалатын оталар (эндоскопиялық синусохирургия);
4. Естуді жақсартуға бағытталған оталар;
5. Көмейге эндоскопиялық оталар;
6. Ультрадыбыстық факоэмульсификация;
7. Қабақтарға реконструктивті оталар;
8. Интраокулярлық линзаларды имплантациялау;
9. Дакриоцисториностомия;
10. Амбулаториялық микрохирургия: птеригиум, халязион, жаңа түзілімдер.

   Құрал-жабдықтар:

1. Кеңейтілген ЛОР-комбайн «CHAMMED»;
2. Операциялық тірек жүйесі «KARL STORZ»;
3. Операциялық микроскоп «CARL ZEISS»;
4. Микрохирургиялық жүйе Oertli Faros (Швейцария).

   Бөлімше дәрігерлері:

• Аманғалиев Алмас Бисұлтанұлы – бөлімше меңгерушісі;
• Усманова Алия Ғанимуратқызы – аға дәрігер-офтальмолог;
• Куттыбаев Шахмардан Сапарұлы – дәрігер-офтальмолог;
• Таева Орынгүл Шакирбекқызы – дәрігер-офтальмолог;
• Толемисова Гульнар Жандосқызы – дәрігер-офтальмолог.