Нейрохирургтің ми ісігін алып тастау бойынша күрделі операциясы, 60 адамға арналған 3 кеңес, 150 тыңдаушыға арналған 10 лекция мен семинар. Біздің мамандардың Абай облысындағы Медициналық орталық күндеріне қатысуының қорытындысы осындай. Бұл өңір жүрек-қан тамыры және онкологиялық аурулар бойынша еліміздегі көшбасшылардың бірі. Кардиолог, нейрохирург, аллерголог. Ұлттық госпитальдің геронтологы пациенттерге кеңес берді, біздің мамандар әріптестеріне бюджетті қалыптастыру, медициналық мекемелерде еңбекақы төлеу, аурухана жанынан жеке зертхана ұйымдастыру, омыртқа мен миға ота жасау, өкпе артериясының тромбоэмболиясы туралы дәрістер оқыды, ұзақ өмір сүру мектебі және дәрілік аллергияның алдын алу бойынша тәжірибелерімен бөлісті.
– Менің ойымша, әріптестерге емдеудің жаңа әдістері мен дәрі-дәрмектердің талдауы, дәрі-дәрмектерге аллергиялық реакциялар кезіндегі көмектің алгоритмдері, анамнезді, алдын ала тестілерді қалай дұрыс жасау керектігі туралы білу маңызды болды. Көп бейінді стационарларға емдеуге жатқызылатын пациенттердің 13 пайыздан астамы түрлі дәрі-дәрмектердің жарамсыздығы туралы анамнестикалық нұсқауға ие, біздің міндетіміз бұл туралы біліп қана қоймай, уақытылы көмек көрсету немесе реакцияны болдырмау, – деді аллерголог Ақкерке Бекболатова.
Біздің дәрігерлер Семейде үш күн жұмыс істеді, тіпті ауыр науқасқа шұғыл операция жасауға тура келді. Алда Президент іс басқармасының Медициналық орталығы жүйесінің дәрігерлерінің басқа өңірлерге жаңа сапарлары тұр, өйткені тәжірибе алмасу дәрігерлердің өзіне де, пациенттерге де қажет.
