Ұлттық госпиталь емханасы лор бөлімшесінің медбикесі Лаура Нұрболатқызы Әубәкірова «Қазақстаннның құрметті медбикесі» атағын жеңіп алды. ҚР Денсаулық сақтау министрлігі осы салада еңбек етіп жүрген профессорлар, дәрігерлер мен мейірбикелер арасында конкурс ұйымдастырған. Бұл шараға еліміздің әр аймағынан шамамен 70 ке жуық медицина қызметкері қатысыпты. Әрбір маман өзінің ғылыми еңбектері мен мақалаларын және жұмыстағы жетістіктерін айғақтайтын құжаттарды онлайн жолдаған. Медбикелер арасынан Лаура Әубәкірова топ жарып, көзге түскен. «Мамандығымды ерекше жақсы көремін. Бұл жерде жұмыс істеп жүргеніме бес жылдан асты. Көп нәрсе үйрендім. Қазақстан- Ресей медициналық университетінің магистратурасында білім алып жатырмын. Болашақта эпидемиолог дәрігер болуды армандаймын. Осы байқауға қатысуға қолдау көрсеткен Ұлттық госпиталь басшысы А.Зинешұлына, С.Мағауияқызына, Г.Алсаевнға, С. Романовнаға, Г.Қасенқызына үлкен алғысымыды білдіремін » дейді Лаура Нұрболатқызы.
Арманым – эпидемиолог дәрігер болу
