Аңыз тұлғаны құттықтау үшін Астанадан, Президент Іс басқармасынан арнайы өкілдер келді. Виктор Карпович еңбек жолын Қостанай облысында тың игеруші агроном болып бастап, зейнетке Министрлер Кеңесінің Іс басқарушысы лауазымынан шыққан.
🔹Ол – соғыс ардагері, Әуе-десанттық әскерлердің 17-ші гвардиялық әуе-десанттық бригадасы құрамында 25 рет парашютпен секіріп, Венгрия, Австрия және Чехословакияны азат етуге қатысқан. Жеңісті Влтава өзеніндегі көпірде қарсы алып, америкалық одақтастармен кездескен. Оның өмірі нағыз үлгі боларлықтай.
📌Соғыстан кейін ол демобилизацияланып, Орал қаласындағы ауылшаруашылық техникумын бітірді. Агроном болуды бала кезінен армандаған ол Мәскеудегі Тимирязев атындағы академияға оқуға түсіп, Сталин стипендиясына ие болды. Екі жыл техникумда мұғалім болып қызмет еткен соң, тың жерлерді игеру шақыруына үн қатып, әйелі мен кішкентай ұлымен бірге Бұрлы ауданына агроном болып аттанды:
💬«Еліміздің түкпір-түкпірінен әртүрлі адамдар жиналды. Олардың ішінде нағыз энтузиастар да, уақытша пайда іздеп келгендер де болды. Бірақ мұндайлар көп тұрақтамай, қазақ халқымен бірге нан өсіріп, мектептер мен ауруханалар салып, ортақ іс атқарған жандар ғана қалды. Мен сол игі істің бір бөлігі болғаныма қуанамын», – деп еске алады ардагер.
🔸Бүгінде Виктор Карпович әлі де тың. Ол сұхбат беріп, сыйлықтар қабылдап, қоғам өмірін белсенді бақылап отырады. Ұлттық госпиталь оған өтініші бойынша аяққа арналған массажер сыйлады. Жаңалықтардан хабардар ол биыл Қазақстанда рекордтық 26,7 миллион тонна астық жиналғанын біледі. Жаттығуларын үзбей, денсаулығын күтудің арқасында оның қол алысы әлі де берік. Жастарға ол достықты, өзара көмекті, еңбекқорлықты, үздіксіз білім алуды, салауатты өмір салтын ұстануды және әр адамға өз ісін табуды тіледі. Осындай қағидаттармен ол ғасырға жуық мазмұнды әрі лайықты өмір сүріп келеді.
