Алды қырық жылдан аса осы ауруханада тұрақты жұмыс істеген қызметкерлер жиында сөз алып, қимастық білдірді. Терапия бөлімшесінің мейірбикесі Сандуғаш Бөеккеваның еңбек кітапшасында тек бір ғана жұмыс орыны жазылған. Мұнда ол 43 жыл еңбек етіпті. Қабылдау бөлімшесінің санитары Мұсаева Шолпан 30 жыл, клиникалық диагностикалық зертхана бөлімшесінің дәрігері Наталья Филатова 44 жыл, осы бөлімшенің зертханашысы Бәтима Самсыбаева 28 жыл, профилкатика және әлеуметтік-психологиялық көмек бөлімшесінің мейірбикесі Фарида Әлиева 17 жыл, медициналық-санитарлық алғашқы көмек бөлімшесінің учаскелік мейірбикесі Нұржан Иманбекова 34 жыл, осы бөлімшенің шаруа бикесі Роза Сығаева 7 жыл, мамандандырылған медициналық көмек көрсету бөлімшесінің офтальмолог дәрігері Рая Майданова 30 жыл, осы бөлімшенің мейірбикесі Гүлнәр Әлімбозова 3 жыл, хирургия бөлімшесінің хирург дәрігері Мақсұт Садыбеков 18 жыл, анестезиология, реанимация, интенсивті терапия бөлімшесінің мейірбикесі Бибігүл Әлибекова 28 жыл, сәулелік диагностика бөлімшесінің архив мейірбикесі Татьяна Бычинина 16 жыл, емделушілерді тамақтандыру саласының жұмысшысы Наталья Загурская 9 жыл, сантехника секторының газбен дәнекерлеуші маманы Бақытжан Әміров 7 жыл, электрмен қамтамасыз ету және желдету секторының слесары Сергей Роговой 14 жыл, ғимараттар мен үй-жайларға техникалық қызмет көрсету бөлімшесінің басшысы Бақытжан Тоқбаев 15 жыл еңбек еткен.
Аурухана басшысы Асхат Зинешұлы Бралов зейнеткерлерді құттықтап, Ұлттық госпитальдің халыққа сапалы қызмет көрсетуі үшін тер төккен мамандарға алғыс білдірді.
