ҚР ПІБ МО Ұлттық госпиталінің ақылы медициналық қызметтер бөлімінің массаж маманы Қанат Ермекұлына алғыс білдірген пациенттер оның қолдары «алтын» екенін жиі айтады. Дәрігер дәрі-дәрмектік терапиямен және ЕДШ-мен бірге емдік массаждың да әсері ерекше деп санайды.
Қанат Ермекұлы спортшылармен, инсульттан кейінгі күрделі науқастармен, остеохондроз, омыртқа аралық (мойын, бел, кеуде) жарығы диагнозы бар және неврозы бар науқастармен жұмыс істеу барысында мол тәжірибе жинаған.
– Ем нәтижелі болу үшін дәрігер массаж тағайындайды, өйткені бұл денені, бұлшық еттерді жылыту ғана емес, күрделі мәселе туындаған аймақпен жұмыс істеу, – деп түсіндіреді маман. Массаждан кейін адамдарда ұйқы қалыпқа келеді, сезімталдық жақсарады. Көбі аяқ-қолдың және дененің жеңілдігін, жайлылығын айтады. Жалпы, көңіл-күй мен өмір сүру салты жақсарады. Әдетте мен диагнозды нақтылап аламын , өйткені әрбір аурудың ерекшелігі бар.
– Бүгінде массаждың қандай түріне сұраныс көп?
– Спорттық және емдік. Қозғалыс аз өмір салтын ұстанатындар көлік рөлінде көп уақыт өткізеді, әдетте мойын мен арқа аймағының аурулары көп болады. Оларға жай ғана массаж жасау көмектеспейді, мен оларға ЕДБ қосамын. Мұндай адамдарға жалқауланбай, арқа, аяқ бұлшық еттерін нығайту маңызды.
– Денені жақсы күйде ұстау үшін массаж курсынан қалай өту керек?
– Сауықтыру курсынан жылына бір рет өту жеткілікті. Бірақ тамақтануға, климатқа, адамдардың өмір сүру салтының өзгеруіне байланысты жылына екі рет өткен жөн. Мен науқастардан бұлшық еттерінің босаңсуын, әлсіздікті, жұмысқа деген құлықсыздықты жиі байқаймын. Ал бұл адамдары мерзімінен бұрын қартаюға әкеледі.
– Массажды қай уақытта алған жөн?
– Нақты қағида жоқ, барлығы адамның жеке қалауы бойынша. Мен емханада сағат 14.00-ден 18.00-ге дейін қабылдаймын, алдын ала жазылыңыз және келіңіз!
